ශ්‍රී ලංකා ක්‍රීඩකයෝ සුපිරි සුද්දයකට සූදානම් වෙති

(ෂෙනික ගමගේ, රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ සිට..)

ඇෆ්ගනිස්තානයට එරෙහිව රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ අද (19) රාත්‍රී පැවැති දෙවැනි තරගයෙන් ශ්‍රී ලංකා ක්‍රීඩකයෝ ලකුණු 72 ක පහසු ජයක් ලැබූහ.
ශ්‍රී ලංකා පිල මෙම ජයග්‍රහණයත් සමඟ තරග තුනකින් සමන්විත විස්සයි20 ක්‍රිකට් තරගාවලියේ තරගයක් ඉතිරිව තිබියදී 2-0 ක් ලෙස තරගාවලියේ ජය ද හිමිකරගත්තේය.  
ශ්‍රී ලංකා පන්දු යවන්නෝ ලකුණු 188 ක ඉලක්කය හඹාගිය ඇෆ්ගනිස්තානු පිල ඕවර 17 කදී ලකුණු 115 කට සීමා කිරීමට සමත් වූහ.
ඇන්ජලෝ මැතිව්ස් (9/2) දක්‍ෂ පන්දු යැවීමක නිරත වෙමින් ඇෆ්ගන් ආරම්භක පිතිකරුවන් දෙදෙනා දවාගනිමින් ලබාගත් සාර්ථක ආරම්භයත් සමඟ ජයගග්‍රහණය පහසු විය.
පන්දු 22 කින් නොදැවී ලකුණු 42 ක් ද රැස්කළ ඇන්ජලෝ මැතිව්ස් තරගයේ වීරයා ලෙස සම්මාන හිමිකර ගත්තේය.  
ශ්‍රී ලංකා පිල ඕවර 20 කදී කඩුලු 6 ට 187
(පැතුම් නිස්සංක 25, කුසල් මෙන්ඩිස් 23, ධනංජය ද සිල්වා 14, සදීර සමරවික්‍රම 51, වනිඳු හසරංග 22, ඇන්ජලෝ මැතිව්ස් නොදැවී 42, අස්මතුල්ලා ඔමල්ෂායි 40/2, මොහොමඩ් නබී 25/2)
ඇෆ්ගනිස්තාන් පිල ඕවර 17 කදී සියලු දෙනා දැවී 115
(මොහොමඩ් නබී 27, කරීම් ජනට් 28, ඇන්ජලෝ මැතිව්ස් 9/2, බිනුර ප්‍රනාන්දු 18/2, වනිඳු හසරංග 19/2, මතීෂ පතිරණ 22/2)