විස්සයි20 ලෝක කුසලාන ශ්‍රී ලංකා පළමු තරගය අද

(ෂෙනික ගමගේ)
නවවැනි විස්සයි20 ලෝක කුසලාන ක්‍රිකට් තරගාවලියේ පළමු වටයේ ශ්‍රී ලංකාව සහභාගි වන පළමු තරගය දකුණු අප්‍රිකාවට එරෙහිව නිව්යෝක්හිදී අද (3) පැවැත්වේ.
මෙම තරගය ශ්‍රී ලංකා වේලාවෙන් රාත්‍රී 8.00 ට ආරම්භ වීමට නියමතය.    
රටවල් 20 ක් සහභාගි වන මෙවර තරගාවලියේ ශ්‍රී ලංකාව ‘ඩී’ කාණ්ඩයේ ක්‍රීඩා කරන අතර එම කාණ්ඩයට දකුණු අප්‍රිකාව, බංග්ලාදේශය, නෙදර්ලන්තය සහ නේපාලය යන රටවල් ද ඇතුළත්ව තිබේ.
ශ්‍රී ලංකා පිලේ දෙවැනි තරගය බංග්ලාදේශයට එරෙහිව ඩලාස්හිදී මේ මස 8 වැනිදා ශ්‍රී ලංකා වේලාවෙන් පෙරවරු 6.00 ට ද, තෙවැනි තරගය නේපාලයට එරෙහිව ෆ්ලොරීඩාහිදී ශ්‍රී ලංකා වේලාවෙන් පෙරවරු 5.00 ට ද, ආරම්භ වීමට නියමිතය.
ශ්‍රී ලංකාව පළමු වටයේ සහභාගි වන සිවුවැනි සහ අවසන් තරගය නෙදර්ලනත්යට එරෙහිව බටහිර ඉන්දීය කොදෙව්හි ශාන්ත ලුසියාහිදී මේ මස 17 වැනිදා පැවැත්වෙන අතර එම තරගය පෙරවරු 6.00 ට ආරම්භ වීමට නියමිතය.