එංගලන්තය දෙවැනි තරගයත් ජය ලබයි

(ෂෙවෝන් ප්‍රනාන්දු, මහනුවර පල්ළෙකැලේ ක්‍රීඩාංගණයේ සිට..) සත්කාරක ශ්‍රී ලංකා පිලට එරෙහිව මහනුවර පල්ළෙකැලේ ජාත්‍යන්තර ක්‍රිකට් ක්‍රීඩාංගනයේදී අද (1) පැවැති දෙවැනි විස්සයි20 තරගයෙන් එංගලන්ත පිල කඩුලු 6 ක (ඩක්වත් ලුවිස් න්‍යායට අනුව) ජයක් ලැබීය. එංගලන්තය මෙම ජයග්‍රහණයත් සමග තරග තුනකින් සමන්විත විස්සයි20 තරගාවලියේ තරගයක් ඉතිරිව තිබියදී 2-0 ක් ලෙස තරගාවලියේ ජය ද හිමිකරගත්තේය. ජයග්‍රහණය සඳහා ලකුණු 190 ක ඉලක්කය හඹායමින් සිටි එංගලන්ත ඉනිමේ 8 වැනි ඕරයේදී වර්ෂාව ඇදහැලීම හේතුවෙන් පැයකට අධික කාලයක් තරඟය අත්හිටුවීමට සිදුවිය. ඒ අනුව එංගලන්ත පිලට ඕවර 17 කදී ලකුණු 168 ක ඉලක්කයක් බාරවිය. එංගලන්ත පිතිකරුවෝ ඕවර 16.4 කදී කඩුලු හතරක් පමණක් දැවී ලකුණු 173 ක් රැස්කිරීමට සමත් වූහ. පළමුව පන්දුවට පහර දුන් පවන් රත්නායක පන්දු 22 කින් හතරේ පහර 5 ක් සහ හයේ පහරක් සමගින් ලකුණු 40 ක් රැස්කළේය. ශ්‍රී ලංකා පිල ඕවර 20 කදී කඩුලු කඩුලු 5 ට 189 (පැතුම් නිස්සංක 34, කමිල් මිෂාර 36, කුසල් මෙන්ඩිස් 32, පවන් රත්නායක 40, චරිත් අසලංක නොදැවී 28, ජෙෆ්රා ආචර් 42/2) එංගලන්ත පිල ඕවර 16.4 කදී කඩුලු 4 ට 173 (ජෝස් බට්ලර් 39, ටොම් බෙන්ටන් නොදැවී 54, හැරී බෘෘක් 36, සෑම් කරන් නොදැවී 20, මතීෂ පතිරණ 47/2)