සෞඛ්‍ය වර්ජනය තාවකාලිකව අවසන්

(ඔගස්ටා පෙරේරා)

වෛද්‍යවරුන්ට වැඩිකළ ඩැට් දීමනාවට සාපේක්ෂව සෙසු සෞඛ්‍ය කාර්ය මණ්ඩලය සඳහා ආර්ථික යුක්තිය ඉටුකරන ලෙස ඉල්ලා සෞඛ්‍ය වෘත්තීය සමිති 72 ක් ක්‍රියාත්මක කරන වැඩවර්ජනය හෙට (15) පෙරවරු 6.30 ට තාවකාලිකව අත්හිටුවන බව සෞඛ්‍ය වෘත්තීය සමිති සන්ධානයේ කැඳවුකරු රවී කුමුදේෂ් මහතා අද (14) රාත්‍රී පැවසීය.
ඒ සම්බන්ධයෙන් සාකච්ඡා කිරීමට සෞඛ්‍ය අමාත්‍ය රමේෂ් පතිරණ මහතා සාකච්ඡාවක් දී ඇති බව කී රවී කුමුදේෂ් මහතා අද රාත්‍රී 7.00 ට රැස්වූ සෞඛ්‍ය වෘත්තීය සමිති සන්ධානයේ වර්ජනය තාවකාලිකව අත්හිටුවීමට තීරණය කළ බව ද සඳහන් කළේය.